Amo 8 | ZomZIV | STEP | Thupipen TOPA in kei hong lah hih ahi hi: singgah min seng khat ahi hi.

Amos 8

Singgah Min Seng Khat

1 Thupipen TOPA in kei hong lah hih ahi hi: singgah min seng khat ahi hi. 2 Amah in, “Amos aw, bang na mu hiam?” ci-in hong dong hi. ^a

Ken, “Singgah min seng khat,” ci-in ka dawng hi. ^b

Tua ciangin TOPA in kei kiangah, “Ka mi Israel-te adingin ahun min ta hi; amaute ka hawi nawn peuhmah kei ding hi..

3 “Tua ni ciangin biakinnpi sunga la kisa khempeuh thumna ^{▼▼8.3 Ahikeh biakinnpi a lasate kap ding} suak ding hi. Misi luang tam na lawmlawm e - mun khempeuh lah a dim a! Dai dide tah!” TOPA in a ci hi. ^d

4 A cimawhte tuancil a,
gam sunga mizawngte sumang a, ^e

5 no,

“Ante zuak theih nadingin
Kha Thak cik ciangin cing dinga,
mangbuh i zuak theih nadingin
Sabbath cik ciangin bei ding hiam? -
tehnate neusakin,
aman tampi-in deka,
tawikhaina maan lo zangin, mite khema, ^f
6 mizawngte ngun tawh lei-in,
a cimawhte khedap kaih bu khatin lei-a,
mangbuh le mangbuh sii zuakkhawm nuam si hang,” a cite aw, za un. ^g

7 Jacob Kiphatsakna lo-in TOPA kiciama, “A hihsate uh khat beek ka mangngilh ngei kei ding hi. ^h

8 “Hih thu hangin lei kiling loin ⁱ
a sungate thum lo ding uh ahi hiam?
Nile bangin gam buppi a khang ding hi;
khangto dinga Egypt gun bangin
a kiamsuk kik ding hi. ^j

9 Thupipen TOPA in,

“Tua ni ciangin sun laitakin ni ka tumsak dinga,
ni tan phat laitakin leitung ka mialsak ding hi. ^k
10 Na biakna pawite uh thumna ka suaksak dinga,
na la saksakte uh kahna ka suaksak ding hi.
Na vekun puan hampi silh kong suaksak dinga ^l
na lu uh na mettol ding uh hi.
Tua hun ciangin tapa khat neihsun hanga thum kong bangsak dinga, ^m
a tawpna ah khaatna ni a bang ding hi. ⁿ
11 “Leitungah kialpi kong tunsak ciangin -
an duh, tui duh dangtak-a kialna hi loin
TOPA kammalte zaknopna kialpi hi ding hi.
Tua hun hong tung ta hi.” Thupipen TOPA in cikhia hi. ^o
12 Mite, tuipi khat pan tuipi khat,
leilu-lam pan nisuahna lamah
hoikawmsa in vak kawikawi-in TOPA kammal kan ding uh a,
ahi zongin a mu kei ding uh hi.

13 Tua ni ciangin,

“A ithuai nungakte le tangval thahatte
dangtakin a bah ding uh hi.
14 Samaria maizumna ^{▼▼8.14 Ahikeh Ashima tawh ahikeh milim tawh} tawh a kiciamte ahikeh,
‘Dan aw, na pasian nuntakna lo in,’
ahikeh Beersheba pasian ^{▼▼8.14 Ahikeh vangliatna} nuntakna lo-in ci-a kiciamte - ^r
amaute a tho kik nawn lo dingin
a puk ding uh hi,” a ci hi. ^s